இன்று சமூக வலைத்தளங்களை உபயோகிக்கும் பெரும்பாலானோர் இந்த போட்டோ எடிட்டிங் விடயத்தில் மிகவும் ஆர்வம் காட்டி வருகின்றனர். ஒரு சில நாட்களுக்கு முன்னர், எமது தளத்தில் கூகுள் வழங்கும் 149 அமெரிக்க டாலர் பெறுமதியான நிக் போட்டோ எடிட்டிங் மென்பொருளை எப்படி இலவசமாக தரவிறக்கி கொள்வது என்ற பதிவொன்றை எழுதி இருந்தேன். அந்த பதிவை கீழே வழங்கப்பட்டிருக்கும் லின்க்கில் சென்று வாசித்து தெரிந்து கொள்ள முடியும்.
கூகுள் நிறுவனத்தின் 149 டாலர் பெறுமதியான கூகுள் நிக் போட்டோ எடிட்டிங் மென்பொருளை இலவசமாக பெற்றிடுங்கள்.
ஆகவே இன்றைய பதிவிலும் போட்டோ எடிட்டிங் சம்மந்தமான ஒரு விடயம் பற்றி பார்ப்போம். சாதாரணமாக குறித்த ஒரு போட்டோவை நாம் எடிட் செய்ய வேண்டும் என்றால், பெரும்பாலும் குறித்த போட்டோவின் பின்புலத்தை நீக்க வேண்டியதாய் இருக்கும்.
பின்புலத்தை நீக்கிய பின்னரே உங்களது தேவைக்கு ஏற்ற போல அழகிய வடிவில் போட்டோவை எடிட் செய்து கொள்ள முடியும்.
இந்த வேலையை எமக்கு செய்து தர பல மென்பொருட்கள் காணப்படுகின்ற போதிலும், இன்று நாம் குறித்த போட்டோ ஒன்றில் பின்புலத்தை எதுவிதமான மென்பொருளும் இன்றி எப்படி நீக்கி கொள்வது என்று பார்ப்போம்.
ஆகவே மிக இலகுவாக குறித்த போட்டோ ஒன்றின் பின்புலத்தை நீக்கும் வேலையை கீழ்வரும் ஆன்லைன் போட்டோ எடிட்டிங் தளம் மூலம் செய்து கொள்ள முடியும்.
இந்த ஆன்லைன் தளத்திற்கு குறித்த போட்டோவை அப்லோட் செய்யுங்கள்.
இப்போது உங்களது போட்டோவில் இருக்கும் பின்புல காட்சி நீக்கப்படும் தானாக வேலை நடைபெறும்.
அங்கே காணப்படும் Touch up என்பதை கிளிக் செய்து உங்களது தேவைக்கு ஏற்ற போல, சிறு சிறு புள்ளிகளாக மிச்சமிருக்கும் பின்புல காட்சிகளை நீக்கி கொள்ள முடியும்.
ஆகவே மிக இலகுவாக குறித்த போட்டோ ஒன்றில் இருக்கும் பின்புல காட்சிகளை நீக்கி கொள்ள உதவும் இந்த அருமையான தளத்திற்கு கீழே வழங்கப்பட்டிருக்கும் லின்க்கை கிளிக் செய்து செல்லுங்கள்.
போட்டோ பின்புலத்தை நீக்கும் தளம்
குறிப்பு
இந்த தளத்தில் உங்களது போட்டோ பின்புலத்தை நீக்குவது முற்றிலும் இலவசம். ஆனால் நீங்கள் குறித்த போட்டோவை உங்களது கணனிக்கு தரவிறக்கி கொள்ள வேண்டும் என்றால், இந்த தளத்தில் இலவச கணக்கொன்றை ஆரம்பிக்க வேண்டும் என்பது குறிப்பிடத்தக்கது.