எமக்கு வரும் மின்னஞ்சல்களை பார்த்து கொள்வது முதல் பங்கு சந்தை நிலவரங்களை தெரிந்து கொள்வது வரை என்று இந்த ஸ்மார்ட் போன்கள் எமக்கு பெரிதும் உதவியாக இருக்கின்றது.
இதனால் இன்றைய பதில் எமது ஸ்மார்ட் போன்களோடு தொடர்புபட்ட ஒரு தகவலை வழங்கலாம் என்று நினைக்கின்றேன்.
ஸ்மார்ட் போன் வைத்து இருக்கும் நாங்கள், சில வேலை அதில் இருக்கும் ஏதேனும் ஒரு வசதியை செயற்படுத்த தெரியாமல் தடுமாறுவோம். இதை எப்படி என்று தெரிந்து கொள்வதற்காக எமது நண்பர்களும் குறிப்பிட்ட அந்த வசதியை எப்படி செயற்படுத்தி கொள்வது என்று தொலைபேசி அழைப்பு மூலம் கேட்டு செய்து கொள்வோம். சில நேரம் அவர்கள் கூறுவதை சரியாக புரிந்து கொண்டு எமது ஸ்மார்ட் போனில் செய்து முடிக்க முடியாமல் போகலாம். இவ்வாறான ஒரு சந்தர்ப்பத்தில் குறிப்பிட்ட அந்த நண்பரே பக்கத்தில் இருந்து எமது தேவையை ஸ்மார்ட் போனில் செய்து தந்தால் எவ்வளவு நன்றாக இருக்கும்.
அதே போல் உங்களது நண்பர் ஒருவரில் ஸ்மார்ட் போனில் இருக்கும் ஏதேனும் குறிப்பிட்ட ஒரு File உங்களுக்கு தேவைப்படலாம். அப்படியான சமயத்தில் அந்த குறிப்பிட்ட File-ஐ நீங்கள் மின்னஞ்சல் மூலமாகவோ அல்லது வேறு ஏதேனும் ஒரு வழியில் தான் பெற்றுக்கொள்ள முடியும். அப்படி இல்லாமல் நீங்களே உங்களது நண்பரின் ஸ்மார்ட் போனை அச்செஸ் செய்து குறிப்பிட்ட அந்த File-ஐ பெற்றுக்கொள்ள முடியுமானால் எவ்வளவு நன்றாக இருக்கும்.
பரிந்துரைக்கப்படும் பதிவு
ஆம். உங்களது ஸ்மார்ட் போனில் இருந்து உங்களது நண்பரின் ஸ்மார்ட் போனிற்கு நுழையும் வசதியை உங்களது ஸ்மார்ட் போனில் செயற்படுத்தி கொள்ள முடியும்.
இந்த செயலியானது உங்களது நண்பரின் ஸ்மார்ட் போனை உங்களது ஸ்மார்ட் போனில் இருந்து அச்செஸ் செய்யும் அனுமதியை வழங்குகிறது.
கீழே வழங்கப்பட்டிருக்கும் இணைப்பின் மூலம் உங்களது ஸ்மார்ட் போனிட்கான செயலி மற்றும் அதன் துணை செயலி ஆகியவற்றை தரவிறக்கி கொள்ளுங்கள்.
நீங்கள் மற்றவர்களுடைய ஸ்மார்ட் போனிற்கு அச்செஸ் செய்வதற்கு செய்வதற்கான செயலி
Team Viewer Android
Team Viewer iPhone
துணை செயலி - மற்றவர்கள் உங்கள் ஸ்மார்ட் ஸ்மார்ட் போனிற்கு அச்செஸ் செய்வதற்கு.
TeamViewer QuickSupport Android
TeamViewer QuickSupport iPhone
பின்னர் Team Viewer செயலியை உங்களது ஸ்மார்ட் போனில் நிறுவிக்கொள்ளுங்கள்.
குறிப்பு
அதே போல் நீங்கள் அச்செஸ் செய்ய நினைக்கும் உங்களது நண்பரின் ஸ்மார்ட் போனில் துணை செயலி நிறுவப்பட்டிருத்தல் வேண்டும்.
இந்த செயலியை Android ஸ்மார்ட் போன்களில் உபயோகித்து எப்படி இன்னொருவருடைய ஸ்மார்ட் போனை அச்செஸ் செய்வது என்று பார்ப்போம்.
உங்கள் ஸ்மார்ட் போனில் நிறுவிய செயலியை ஆரம்பியுங்கள்.
அடுத்து நீங்கள் அச்செஸ் செய்ய நினைக்கும் உங்கள் நண்பரின் ஸ்மார்ட் போனில் நிறுவப்பட்ட துணை செயலியில் காணப்படும் Your ID என்பதில் இருக்கும் இலக்கத்தை உங்கள் நண்பரிடம் கேட்டு வாங்கி உங்களது ஸ்மார்ட் போனில் TeamViewer ID என்று காணப்படும் இடத்தில் டைப் செய்து Remote Control என்பதை கிளிக் செய்யுங்கள்.
இப்போது உங்கள் நண்பருக்கு அவரின் ஸ்மார்ட் போனில் இருக்கும் ஏதேனும் ஒரு வசதியை செயற்படுத்த தெரியவில்லை என்றால், இந்த செயலி மூலம் நீங்கள் அவரின் ஸ்மார்ட் போனிற்கு அச்செஸ் செய்து அவருக்கு உதவ முடியும்.
அது மட்டுமில்லாமல் இந்த செயலி மூலம் உங்களது ஸ்மார்ட் போனிட்கும் உங்களது நண்பரது ஸ்மார்ட் போனிட்கும் இடையே File-களை பகிந்து கொள்ள முடியும்.
குறிப்பு
இந்த வசதிகளை பெற்றுக்கொள்ள உங்களதும் உங்களுடைய நண்பரினதும் ஸ்மார்ட் போனில் இன்டர்நெட் வசதி இருக்க வேண்டும் என்பது குறிப்பிடத்தக்கது.