சில வருடங்களுக்கு முன், புகைப்படம் எடுப்பதற்கு ஒரு சாதனமும், வீடியோ எடுக்க வேறொரு சாதனமும் இணையத்தை அணுக மற்றுமொரு சாதனமும் என்று இருந்தது. ஆனால் இன்று இவை அனைத்தையும் ஒரு ஸ்மார்ட் போன் இருந்தால் செய்து முடித்து விடலாம் என்றாகிவிட்டது.
அதனால் இன்றைய பதிவில் உங்களது ஸ்மார்ட் போனுடன் தொடர்புடைய ஒரு விடயத்தை பகிரலாம் என்று நினைக்கின்றேன்.
கையடக்க தொலைபேசி உபயோகிக்கும் அனைவருக்குமே இருக்கும் பொதுவான ஒரு பிரச்சினை தான் தேவையில்லாத அழைப்புக்கள் அடிக்கடி வருவது.
சில சமயம் தொலைபேசிகள் தொல்லை பேசிகள் என்று நினைக்கும் அளவிற்கு இந்த தேவையில்லா அழைப்புக்களின் தொல்லை இருக்கும்.
இவ்வாறு தெரியாத இலக்கத்தில் இருந்து வரும் அழைப்புக்கள் யாருடையது என்பதை கண்டறியும் வசதி இருந்தால் எவ்வளவு நன்றாக இருக்கும்..
ஆம் நண்பர்களே.. இது முடியும். உங்களது ஸ்மார்ட் போனிற்கு வரும் அழைப்புக்களில் தெரியாத இலக்கத்தில் இருந்து வரும் அழைப்புக்கள் யாருடையது என்பதை சரியாக பிடித்துக்கொள்ள உதவுகிறது Truecaller எனும் சிறப்பு செயலி.
இந்த செயலி எவ்வாறு செயற்படுகிறது?
பரிந்துரைக்கப்படும் பதிவுTruecaller செயலியை கீழே வழங்கப்பட்டிருக்கும் லின்க்கில் சென்று தரவிறக்கி கொள்ளுங்கள்.
iPhone-க்காண செயலியை இங்கே சென்று பெற்றுக்கொள்ளுங்கள்.
Android-க்காண செயலியை இங்கே சென்று பெற்றுக்கொள்ளுங்கள்.
Windows Phone-க்காண செயலியை இங்கே சென்று பெற்றுக்கொள்ளுங்கள்.
Nokia-க்காண செயலியை இங்கே சென்று பெற்றுக்கொள்ளுங்கள்.
தரவிறக்கிய செயலியை உங்கள் ஸ்மார்ட் போனில் நிறுவி கொள்ளுங்கள்.
இவ்வாறு Truecaller தளத்தில் குறிப்பிட்ட இலக்கம் சேமிக்கப்பட்டு இருக்குமாயின், அந்த இலக்கத்தில் இருந்து அழைப்பொன்று உங்களது போனிற்கு வரும் போது, சரியாக யாருடைய அழைப்பு இது என்ற விபரங்களை Truecaller உங்களுக்கு வழங்குகிறது.
பல மில்லியன் பயனர்களை கொண்டுள்ள Truecaller செயலி பொதுவாக 90% ஆனா தெரியாத இலக்கத்தில் இருந்து வரும் அழைப்புக்களை சரியாக இனம் கண்டு கொள்ள உதவுகிறது.
அது மட்டுமல்லாது உங்களுக்கு வரும் தேவையில்லாத அழைப்புக்களை Block செய்யவும் இந்த செயலி உதவுகிறது.
அத்தோடு உங்களுக்கு வரும் அழைப்பானது ஏற்கனவே பலருக்கு வந்து அவர்கள் அந்த அழைப்பை Block செய்து இருந்தால், அதையும் உங்களுக்கு காட்டுகிறது இந்த Truecaller செயலி.
ஏற்கனவே தெரியாத ஏதேனும் ஒரு இலக்கத்தில் இருந்து உள்வந்த அழைப்பின் இலக்கத்தை சரியாக குறித்து வைத்து கொண்டு Truecaller செயலிக்கு சென்று தேடிப்பார்க்கவும் முடியும்.
குறிப்பு
குறிப்பிட்ட ஒரு தெரியாத இலக்கத்தில் இருந்து அழைப்பொன்று உங்கள் ஸ்மார்ட் போனிற்கு வருமேயானால், அந்த சமயம் உங்களது ஸ்மார்ட் போனில் இன்டர்நெட் வசதி On செய்து இருக்க வேண்டும். அப்படி இருக்கும் பட்ச்சத்திலேயே Truecaller செயலியால் உள்வரும் அழைப்பை சரியாக இனம் கண்டு கொள்ள முடியும்.