நீங்கள் அன்றொஇட் ஸ்மார்ட் போன் உபயோகிப்பவர் என்றால், கண்டிப்பாக Play Store-ல் அழைப்பவர் இலக்கத்தை மறைக்க ஏதேனும் செயலிகள் காணப்படுகிறதா என்று தேடிப்பார்த்து இருப்பீர்கள்.
நீங்கள் Play Store-ல் சென்று அழைப்பவர் இலக்கத்தை மறைக்க முடியுமான செயலிகளை தேடிப்பார்த்தால் அங்கே நூற்றுக்கணக்கான செயலிகள் காணப்படும். இதிலே சில செயலிகள் இலவசமாகவும் ஏனைய சில செயலிகளை பணம் செலுத்தியும் பெற்றுக்கொள்ள முடியும்.
ஆனால் இவற்றில் பல செயலிகள் எமது தேவையை நிறைவேற்ற தவறுகின்றன. இதனால் நீங்கள் இவ்வாறான அழைப்பவர் இலக்கத்தை மறைக்கும் செயலிகளை பணம் செலுத்தி பெற்றுக்கொள்ள நினைத்தால், அதை வாங்க முன், அந்த செயளியினுடைய செயற்பாடுகள் பற்றிய தகவல்களை கூகுளில் தெரிந்து கொண்ட பின்னர் வாங்குங்கள்.
ஆனால் இவ்வாறான செயலிகளை வாங்க முன்னர், நீங்கள் அன்றொஇட் ஸ்மார்ட் போன் பாவனையாளர் என்றால் இந்த விடயத்தை கொஞ்சம் தெரிந்து கொள்ளுங்கள்.
அன்றொஇட் போன் ஆனது, தனது போன் செட்டிங்-லேயே அழைக்கும் இலக்கத்தை மறைப்பதற்கான வசதியை வழங்கி இருக்கிறது. இதை பலபேர் கவனிக்க தவறி இருக்கிறோம்.
உங்களது அன்றொஇட் ஸ்மார்ட் போனை எடுங்கள்.
அதிலே செட்டிங்-கு செல்லுங்கள்.
அங்கே Calls என்று இருக்கும் செட்டிங்-ஐ தெரிவு செய்யுங்கள்.
அடுத்து Additional Settings என்பதை தெரிவு செய்யுங்கள்.
அடுத்து Caller ID என்பதை தெரிவு செய்யுங்கள்.
அதன் பின்னர் Hide Number என்பதை தெரிவு செய்யுங்கள்.
குறிப்பு
இந்த சேவையானது நீங்கள் உபயோகிக்கும் சிம் நெட்வொர்க்குடன் இணைந்தே செயற்படும். ஆகவே உங்களது சிம் நிறுவனத்தால் இந்த சேவை பாவனையில் இருக்கும் பட்ச்சத்திலேயே, உங்களால் உங்களது இலக்கத்தை மறைத்து இன்னுமொருவருக்கு அழைப்பை மேற்கொள்ள முடியும்.
அன்றொஇட் ஸ்மார்ட் போனுடன் வரும் இந்த அழைப்பவர் இலக்கத்தை மறைக்கும் வசதியை வசதியை அமெரிக்க மற்றும் ஐரோப்பிய நாடுகளில் இருக்கும் குறிப்பிட்ட சில சிம் நெட்வொர்க்-கள் வழங்குகிறது. அதிலும் இந்த சேவையை பயனர்கள் பெற்றுக்கொள்ள வேண்டுமென்றால், குறிப்பிட்ட சிம் நிறுவனத்தின் விதிமுறைகளுக்கு அமைய ஒரு தொகை பணத்தை செலுத்தியே பெற்றுக்கொள்ள கூடியதாய் உள்ளது.
எனக்கு தெரிந்த வரை இந்த சேவையானது இந்தியாவில் இன்னும் எந்த சிம் நிறுவனத்தாலும் செயட்படுத்தப்படவில்லை. இருந்தாலும் உங்களது அண்டொஇட் ஸ்மார்ட் போனில் இதை முயற்ச்சித்து பாருங்கள்.