எமது Android ஸ்மார்ட் போன்களில் நாம் சேமித்து வைத்து இருக்கும் தொலைபேசி இலக்கங்கள் குறிப்பிட்ட சில காரணங்களினால் அழிந்து போக வாய்ப்பு உள்ளது.
எமக்கு தேவையான முக்கியமான ஏதேனும் ஒரு தொலைபேசி இலக்கம் அழிந்து போனால் சிக்கல்களை எதிர்நோக்க வேண்டி ஏற்படும்.
ஏற்கனவே முன்னைய பதிவொன்றில் உங்களது சிம் கார்டு-இல் இருந்து அழிந்த தொலைபேசி இலக்கங்களை எவ்வாறு பாதுகாப்பாக மீட்டெடுப்பது என்று எழுதியிருந்தேன். அந்த பதிவை நீங்கள் தவறவிட்டிருந்தால் கீழே உள்ள லின்க்கின் மூலம் வாசித்து கொள்ளலாம்.
Sim Card-ல் இருந்து அழிந்த இலக்கங்களை மீளப்பெறுவது எப்படி?
ஆனால் வரும் முன் காப்பது தான் என்றுமே சிறந்தது என்பதற்கிணங்க, எமது ஸ்மார்ட் போனில் இருக்கும் அனைத்து தொலைபேசி இலக்கங்களையும் எவ்வாறு Backup எடுத்து வைத்து கொள்வது என்று பார்ப்போம்.
Android போனில் இருக்கும் தொலைபேசி இலக்கங்களை கூகுள் கணக்கிற்கு Backup எடுப்பது எப்படி?
உங்களது ஸ்மார்ட் போனில் Contact என்பதை கிளிக் செய்யுங்கள்.
அடுத்து மேலே வலது மூலையில் Settings என்பதை கிளிக் செய்யுங்கள்.
அடுத்து Contacts என்பதை தெரிவு செய்யுங்கள்.
அதிலே Import/ Export என்பதை கிளிக் செய்யுங்கள்.
அடுத்து Import From Sim Card என்பதை தெரிவு செய்யுங்கள்.
அடுத்து தோன்றும் திரையில் உங்களது Android போனுடன் இணைக்கப்பட்டிருக்கும் கூகுள் கணக்கை தெரிவு செய்யுங்கள்.
அதன் பின்னர் உங்களது சிம் கார்டு-இல் இருக்கும் அனைத்து தொலைபேசி இலக்கங்களும் பட்டியலிட்டு காட்டப்படும்.
அங்கே Select All என்பதை தெரிவு செய்து பின்னர் Done என்பதை கிளிக் செய்யுங்கள்.
அவ்வளவு தான். இப்போது உங்களது அனைத்து தொலைபேசி இலக்கங்களும் உங்களது கூகுள் கணக்கிற்கு Copy எடுக்கப்பட்டு விட்டது.
இந்த முறையை பாவித்து உங்களது ஸ்மார்ட் போனில் சேமிக்கப்பட்டுள்ள தொலைபேசி இலக்கங்களையும் கூகுள் கணக்கிற்கு Backup எடுத்து வைத்து கொள்ள முடியும்.
ஏதேனும் ஒரு காரணத்தால் உங்களது சிம் அல்லது போனில் இருக்கும் தொலைபேசி இலக்கம் அழிந்து போனால் உங்களது கூகுள் கணக்கிற்கு சென்று மிக இலகுவாக மீட்டெடுத்து கொள்ள முடியும்.